|
Pàgina precedent... |
Dòp dël 1439, ant ël palass neuv a l'é intraje 'l vësco Ludvich ëd Romagnan; costì a l'ha fità 'l Torion e 'l palass vej a Amedeo 'd Chignin, angagiandlo, tra l'àutr, a cheuvre 'l Torion con un tèit.
|
Dël 1542 l'arsivësco Nossens Cibo a-j dà a Gioann Avogadr dël Bosch ël tìtol nobiliar "dël Torion". Costì a rangia e a rend mej la costrussion, arfasenda la scala drita, sta vòta an muradura e, miraco, ël sofit dël pian tèra, fàit a quader ëd bòsch, istess a coj che un a peul rëscontré 'nt ël castél ëd Fenis an val d'Aosta, e a ca Cavassa, a Salusse, ant la Granda. |
 |
Dël 1572, ël Torion a l'é vendù da j'Avogadr a Gioann àngel Porporà dij cont ëd Luserna.
© Francesco Pennaroli 2000-2003
