|
Pàgina precedent |
Drinta a-i era tre pian, che un a podìa passé da l'un a l'àutr con na scala 'd bòsch; ëd costa as peul ancor trovesse 'd marche an sla muraja a l'invers. A la cròta, coatà da na vòlta a botal, un a podìa calé dal pian tèra con na scala an muradura che a-i é ancor ancheuj. La cròta a l'era destinà a magasin ëd le proviande, lòn che un a peul capì s-ciairand le fnestre duverte an sël fòss për arsèive d'aria da fòra.
 |
An mes al paviment ëd la cròta as deurb na bòtola che a men-a a n'autra stansiòta; costa, conforma la tradission, a l'era na përzon, ma a-i é da chërde che a fussa dovrà pitòst da giassera. |
|
Al prim pian, da ponent, un a peul ancor vëdde cola ch'a l'era l'overtura 'd na pòrta. As tratava 'd na pòrta 'd socors butà nen për combinassion andova 'l fòss a l'é pì àut, drit e davzin a la stra che a intra 'nt ij bòsch. Pì tard, costa overtura a l'é vnùita ataj për buteje 'l còmod, già 'nt la part a l'invers, la pì frèida, e ant na nicia ancor pì strèita. |
 |
|
Ij disègn publicà an coste pàgine a son stàit fait daj student 'd la Facoltà di Architettura del Politecnico di Torino Carlo Fenoglio, Claudio Gerenzani e Francesco Ghironi, 'nt l'ambito dël Laboratorio di Restauro Architettonico à cura 'd la Prof.sa Carla Bartolozzi Prospetti :
|
© Francesco Pennaroli 2000-2003
