|
La tor dël Vilar, ciamà 'dcò Torass o Torion, a l'é stàita tirà sù ant la sconda metà dël '200, e franch anans dël 1277, da lòn che un a peul savèj dai document ëd l'época, andova as në treuva mension, e fasend arferiment ai materiaj e a le técniche costrutive dovrà. La costrussion a l'é 'd pera nen travajà dël post, butà 'n pò a la belamej e 'n pò a rësca 'd pess.
-
|
Da prinsipi 'l Torion a l'era àut 12 méter e mes e a l'avìa 'd merl guelf. ël Torion a l'era, e a l'é bele adess, anvironà da 'n fòss; un a podìa intré ant la fortificassion passand për un pont ëd bòsch che a pogiava su doe pilie, le mideme che a ten-o sù j'arch dël pont d'adess an muradura. |
 |
 |
Ël Torion, nà giusta con ëd but ëd difèisa, a podìa s'a fasìa damanca ospité ij nòbij dël pòst e sò dipendent fin-a vintessinch famije.
|
© Francesco Pennaroli 2000-2003
